Alonso «Chelsi»ning barcha transfer jarayonlarini vaqtincha to‘xtatdi
“Chelsi” yangi bosh murabbiy Xabi Alonso tayinlanganidan so‘ng barcha transfer jarayonlarini vaqtincha to‘xtatishga qaror qildi. Bu haqda Sport.es xabar bermoqda.
Manbaga ko‘ra, londonliklar avval tarkib masalasini ispaniyalik mutaxassis bilan birga muhokama qilib olishni rejalashtirmoqda. Shundan so‘nggina klub transfer bozoridagi harakatlarini davom ettiradi.
Bu holat “Barcelona”ning Joao Pedroni sotib olish borasidagi urinishlariga to‘sqinlik qilmoqda. Ta’kidlanishicha, braziliyalik hujumchi Alonso rejalari doirasiga kirishi mumkin va shu sababli uning transferi noaniq holatda qolmoqda.
Kataloniya klubida futbolchining umuman sotilmasligi ehtimoli ham inobatga olinmoqda. Agar transfer amalga oshadigan bo‘lsa, «Barselona»ga taxminan 100 million yevro to‘lashga to‘g‘ri keladi.
Eslatib o‘tamiz, “Chelsi” 17 may kuni Alonso tayinlanganini rasmiy ravishda e’lon qildi. Bayonotda u jamoada menedjer sifatida ishlashi, ya’ni murabbiyga nisbatan kengroq vakolatlarga ega bo‘lishi qayd etilgan.
