Alisson «Yuventus»ga o'tishi mumkin
Alissonning "qizillar" bilan amaldagi shartnomasi kelasi yozgacha amal qiladi.
ФОТО: Getty images
Angliyaning "Liverpul" klubi darvozaboni Alisson Beker yozgi transfer oynasida "Yuventus"ga ko'chib o'tishi mumkin.
Ma'lumotlarga ko'ra, turinliklar braziliyalik posbon transferi ustida ish olib bormoqda va bosh murabbiy Luciano Spalletti uni jamoaga jalb etishni faol ravishda qo'llab-quvvatlamoqda. Jurnalist Nicolo Schira xabariga ko'ra, "Yuventus" futbolchiga 2029 yilgacha mo'ljallangan shartnoma hamda yiliga 5 million yevro maosh taklif qilishni rejalashtirmoqda.
33 yoshli darvozabon ushbu transferga qiziqish bildirgan. "Yuventus" allaqachon "Liverpul"ga ilk rasmiy taklifini tayyorlamoqda.
Alissonning "qizillar" bilan amaldagi shartnomasi kelasi yozgacha amal qiladi.
Roziqjon Sultonmurodov
Jurnalist
