Alisson \"Galatasaray\"ning taklifini rad etdi
Photo: Getty Images
"Galatasaray" yangi darvozabon izlashni faol davom ettirmoqda.
Jurnalist Florian Plettenbergning ma'lum qilishicha, klub bir necha hafta avval "Liverpool" posboni Alisson Beckerga rasmiy taklif yo'llagan. Biroq, 32 yoshli braziliyalik so'nggi chiziq vakili bu taklifni rad etgan.
Alisson 2018 yildan beri mersisaydliklar safida to'p surib kelmoqda va u bilan tuzilgan shartnoma 2027 yilgacha amal qiladi.
O‘tgan mavsum u barcha turnirlarda 35 o‘yinda ishtirok etib, 33 ta gol o‘tkazib yubordi va 13 uchrashuvda darvozasini daxlsiz saqlab qoldi. Transfermarkt ma'lumotiga ko‘ra, uning bozor qiymati 20 million yevroni tashkil etadi.
Roziqjon Sultonmurodov
Jurnalist
