Albert Riera «Ayntraxt» bosh murabbiyiga aylanishga yaqin turibdi — manba
Ispaniyalik mutaxassis Albert Riera tez orada Germaniya Bundesligasida ish boshlashi kutilmoqda. Taniqli insayder Nikolo Skiraning ijtimoiy tarmoqlardagi sahifasida xabar berishicha, murabbiy Frankfurtning «Ayntraxt» jamoasini boshqarishga juda yaqin turibdi.
«Albert Riera «Ayntraxt»ning yangi bosh murabbiyi etib tayinlanish ostonasida. Tomonlar 2028 yilgacha mo‘ljallangan shartnomani imzolashga tayyor», — deb yozadi Skira.
43 yoshli Riera 2024 yildan buyon Sloveniyaning «Sele» klubini boshqarib kelmoqda. Bungacha u Fransiyaning «Bordo» klubida ham faoliyat yuritgan.
Frankfurtliklar ayni damda Germaniya chempionati turnir jadvalida 19 o‘yindan so‘ng 27 ochko bilan 8-o‘rinni egallab turibdi. «Ayntraxt»ning xalqaro maydondagi ishlari esa ancha omadsiz chiqdi — jamoa Chempionlar Ligasining umumiy bosqichida 33-o‘rinni band etib, pley-off yo‘llanmasidan quruq qoldi.
