“Al-Sadd” Brozovich bilan shartnoma imzolashga yaqin
Qatarning “Al-Sadd” klubi xorvatiyalik yarim himoyachi Marselo Brozovich bilan shartnoma imzolashga yaqin turibdi. 33 yoshli futbolchi hozirda erkin agent maqomida va yangi klubiga bepul qo‘shilishi mumkin.
Insayder Nikolo Skiraning ma’lumotiga ko‘ra, tomonlar kelishuvni yakunlash arafasida. “Al-Sadd” Brozovich bilan muzokaralar muvaffaqiyatli tugashiga ishonmoqda. Futbolchiga 2028-yilgacha mo‘ljallangan shartnoma taklif qilinmoqda.
Brozovichning so‘nggi klubi Saudiya Arabistonining “Al-Nassr” jamoasi bo‘lgan. Uning shartnomasi 2025/26-yilgi mavsum yakunida tugagan va shundan so‘ng futbolchi erkin agentga aylangan. O‘tgan mavsum Saudiya chempionatida u 29 ta uchrashuvda maydonga tushib, 4 ta golli uzatma amalga oshirgan.
Ma’lumot uchun, Brozovich “Al-Nassr”ga 2023-yilda Milanning “Inter” klubidan o‘tgan edi. Bungacha xorvatiyalik yarim himoyachi “Inter” safida sakkiz yildan ortiq vaqt davomida to‘p surgan.
