«Al Hilol» Milinkovich-Savich bilan yangi shartnoma imzolanganini e'lon qildi
30 yoshli serbiyalikning yangi bitimi 2028 yilgacha amal qiladi.
Фото: Ал Хилал
Serbiyalik yarim himoyachi Sergey Milinkovich-Savich "Al Hilol" bilan yangi shartnomaga imzo chekdi. Bu haqda Saudiya Arabistoni klubi rasmiy sayti xabar berdi.
30 yoshli serbiyalikning yangi bitimi 2028 yilgacha amal qiladi. Milinkovich-Savich 2023 yil iyul oyida 40 million yevro evaziga Italiyaning "Latsio" jamoasidan kelib qo‘shilgandi. Endilikda u bonuslar bilan birga yiliga 30 million yevrogacha maosh oladi. Bu uning Italiyadagi 3,2 million yevrolik sof daromadidan ancha yuqori.
O‘tgan vaqt davomida u jamoasi bilan Saudiya Arabistoni chempionati, Saudiya Arabistoni Kubogi va ikkita Saudiya Arabistoni Superkubogini qo‘lga kiritdi.
Roziqjon Sultonmurodov
Jurnalist