«Al-Hilol» Darvin Nunyes bo‘yicha rejalarini o‘zgartirdi
Saudiya Arabistonining "Al-Hilol" klubi hujumchi Darvin Nunyes bo‘yicha rejalarini butunlay o‘zgartirdi.
Insayder Sasha Tavolierining ma’lum qilishicha, urugvaylik futbolchi yaqin orada Turkiyaga borib, "Trabzonspor"ga ijaraga o‘tishini rasmiylashtirishi kerak edi. Biroq vaziyatga Saudiya Pro-ligasining yangi a’zosi — "Al-Diriya" aralashdi.
Manbaga ko‘ra, "Al-Diriya" "Al-Hilol" bilan muzokara boshlab, Nunyesni bir mavsumga ijaraga olish taklifini bildirdi. Klub futbolchining maoshining 75 foizini to‘lashga tayyorligini ma’lum qildi.
Ta’kidlanishicha, "Al-Hilol" Nunyesning "Al-Diriya"ga o‘tishiga rozilik bergan va "Trabzonspor" bilan olib borilayotgan muzokaralarni to‘xtatgan.
"Liverpul"ning sobiq hujumchisiga Turkiyaning yana bir grandi — "Beshiktosh" ham da’vogarlik qilgan. Biroq Istanbul klubi Nunyesning o‘zi bilan shartnoma shartlari bo‘yicha kelisha olmagan.
