Al Ain Cup. Oʻzbekiston Oʻrunovning gollari evaziga Misrni magʻlub etib, finalga yoʻllanma oldi
Birlashgan Arab Amirliklarida start olgan «Al Ain Cup» turnirining yarimfinal bosqichida Oʻzbekiston milliy jamoasi Misrga qarshi bahs olib bordi va yakunda 2:0 hisobida ishonchli gʻalabaga erishdi.
Dastlab Oston Oʻrunov 4-daqiqada hisobni ochdi. 44-daqiqada esa Oʻrunovning oʻzi yana katta sahnaga chiqib, dublni rasmiylashtirdi.
Shu tariqa, Fabio Kannavaro shogirdlari musobaqa finaliga yoʻllanma oldi. Ushbu bosqichda Oʻzbekiston Eronga qarshi maydonga tushadi. Uchrashuv 18 noyabr kuni boʻlib oʻtadi.
Al Ain Cup. Yarimfinal
Oʻzbekiston — Misr 2:0
Gollar: Oʻrunov (4, 44).
O‘zbekiston — Abduvohid Ne’matov, Hojiakbar Alijonov (Farruh Sayfiyev, 90), Abdulla Abdullayev, Husniddin Aliqulov (Rustam Ashurmatov, 90), Abduqodir Husanov, Sherzod Nasrullayev, Aziz Gʻaniyev (Akmal Mozgovoy, 53), Otabek Shukurov (Dostonbek Hamdamov, 69), Odil Hamrobekov, Oston O‘runov (Hojimat Erkinov, 53), Eldor Shomurodov.
Misr — Muhammad Sobhi, Romiy Rabia, Muhammad Hamdiy, Muhammad Haniy, Marvon Atiyya, Hamdiy Fathiӣ, Ahmad Sayyid Zizo, Usama Faysal, Muhammad Saloh, Marvon Usmon, Mustafo Muhammad (Mohsen, 68).
