Agar «Aston Villa» YECHLga yo‘l ololmasa, Rogers jamoani tark etadi
Futbolchiga “Chelsi” va “Liverpul” klublari qiziqmoqda.
ФОТО: Getty images
“Aston Villa” yarim himoyachisi Morgan Rogers joriy mavsum yakunida jamoani tark etishi mumkin. Bu haqda talkSPORT nashri xabar bermoqda.
Manba bergan ma’lumotlarga ko‘ra, agar “Aston Villa” kelasi mavsum uchun Chempionlar Ligasi yo‘llanmasini qo‘lga kirita olmasa, 23 yoshli futbolchi klubdan ketish variantini ko‘rib chiqadi.
Futbolchiga “Chelsi” va “Liverpul” klublari qiziqmoqda.
Rogers 2024 yil fevralidan beri “Aston Villa” sharafini himoya qilib kelmoqda. Joriy mavsumda yarim himoyachi barcha musobaqalarni hisobga olgan holda 42 ta o‘yinda ishtirok etdi, 10 ta gol urdi va 7 ta golli uzatmani o‘z hisobiga yozdirib qo‘ydi. Rogersning klub bilan amaldagi shartnomasi 2031 yilgacha mo‘ljallangan.
Roziqjon Sultonmurodov
Jurnalist