Adeyemi noqonuniy qurol saqlagani uchun jazolandi
Unga nisbatan ma'muriy ish ochilgan.
ФОТО: Getty images
Germaniya terma jamoasi futbolchisi Karim Adeyemi noqonuniy qurol saqlagani uchun 450 ming yevro jarimaga tortildi. Bu haqda N-TV xabar berdi.
Nemis politsiyasi futbolchining yonidan ikkita taqiqlangan o‘qotar qurol topgach, unga nisbatan ma’muriy ish ochilgan.
Natijada Adeyemining daromadidan kelib chiqib, taxminan 450 000 yevro miqdorida jarimaga tortiladi.
Bosh prokuror Maykl Burgfrafning ma’lum qilishicha, qaror joriy yilning 30 oktabr kuni qonuniy kuchga kirgan.
Germaniya qonunlariga ko‘ra, qurol zo‘ravonlik sodir etishda ishlatilsa, jazo muddati 10 yilgacha yetishi mumkin, biroq Adeyemi quroldan jinoyat sodir etishda foydalanmagan.
Roziqjon Sultonmurodov
Jurnalist