Abramov Temurxo‘ja Abduxoliqov haqida gapirdi
“Dinamo” – “Xorazm” uchrashuvidan (2:2) so‘ng jamoamiz bosh murabbiyi Vadim Abramov bugun farzandidan ayrilgan “Lokomotiv” hujumchisi, sobiq shogirdi Temurxo‘ja Abduxoliqovga hamdardlik bildirdi.
“Ertalabdan noxush xabarni eshitdik. Temurxo‘ja Abduxoliqovning o‘g‘li vafot etibdi. Bu qanchalik qattiq zarba ekanini men yaxshi bilaman, tushunaman. Klub nomidan biz ta’ziya bildirdik, ikkinchi farzandining vafoti uning uchun juda qayg‘uli. Unga o‘z nomimdan, butun jamoamizdan ham chuqur hamdardlik bildiraman. U sabrli bo‘lishi kerak, bu juda og‘ir. Dunyoda yagona adolatsizlik bo‘lsa, bu ham – otalarning o‘z farzandini dafn etishidir. Bu juda qayg‘uli va og‘ir. Shunday ekan, bunday paytda futbol haqida gapirish juda og‘ir”, – deydi Vadim Karlenovich o‘yindan keyin.
