Abraham Yevropaning nufuzli 3 ta turnirida g‘alaba qozondi
U kecha “Aston Villa” bilan Yevropa ligasida g‘olib chiqdi.
ФОТО: Getty images
“Aston Villa” hujumchisi Temmi Abraham Yevropa Ligasi finalida “Freiburg” ustidan 3:0 hisobidagi g‘alabadan so‘ng noyob natijaga erishdi.
Xabar qilinishicha, u Yevropaning uchta asosiy klub musobaqasida g‘olib chiqqan ikkinchi futbolchiga aylandi.
Bundan avval u 2020/2021 yilgi mavsumda “Chelsea” bilan Chempionlar ligasini, 2022 yilda esa “Roma” bilan Konferensiyalar ligasini qo‘lga kiritgan edi.
Bu kabi yutuqqa ilk bo‘lib Abrahamning sobiq jamoadoshi Emerson Palmeri erishgan. U hozirda “Marsel” safida to‘p surmoqda.
Qayd etilishicha, Abraham qishki transfer oynasida “Beshiktosh”dan “Aston Villa”ga o‘tgan. U yangi jamoasi safida 16 ta o‘yinda ishtirok etib, 3 ta gol urgan.
