Abduqodir Xusanov APLning ilk turida eng tezkor himoyachilardan biri bo‘ldi
Angliya Premer-ligasi 2025/26 yilgi mavsumining birinchi turida “Manchester Siti” himoyachisi Abduqodir Xusanov o‘zining yuqori tezkorlik xususiyatlari bilan ajralib turdi. U “Vulverxempton”ga qarshi uchrashuvda zaxiradan maydonga tushib, 33,5 km/soat tezlikka erishdi. Bu natija ilk turda ishtirok etgan barcha futbolchilar orasida eng yuqori beshlikka kirdi.
Eng tezkor o‘yinchilar ro‘yxati quyidagicha shakllandi:
• Uilyam Osula (“Nyukasl”) — 34,2 km/soat
• Vilyam Izidor (“Sanderlend”) — 34,2 km/soat
• Jeremi Frimpong (“Liverpul”) — 33,7 km/soat
• Abduqodir Xusanov (“Manchester Siti”) — 33,5 km/soat
• Antoni Gordon (“Nyukasl”) — 33 km/soat
“Manchester Siti” bosh murabbiyi Xosep Gvardiola o‘z shogirdi haqida iliq fikr bildirdi:
«Xusanovning jismoniy tayyorgarligi va yuqori mobilligi — uning asosiy ustunliklari. Transferlar orasida u ham o‘zini namoyon qila oldi. Men ko‘rgan eng tezkor futbolchilardan biri ekanini isbotladi», — dedi murabbiy.
