Abduqodir Husanov Portugaliyaga qarshi oʻyindan soʻng yigʻlab yubordi
JCh-2026 guruh bosqichi 2-turi doirasida O‘zbekiston milliy terma jamoasi Portugaliyaga 0:5 hisobida imkoniyatni boy berdi. Bahs AQShning Hyuston shahridagi NRG Stadium arenasida bo‘lib o‘tdi.
Uchrashuv yakunlangach, terma jamoamiz himoyachisi Abduqodir Husanov mag‘lubiyatdan qattiq ta’sirlanib, ko‘z yoshlarini tiya olmadi. Futbolchiga Portugaliya terma jamoasi yarim himoyachisi Bernardu Silva tasalli berdi.
E’tiborli jihati, Bernardu Silva va Abduqodir Husanov avval “Manchester Siti” safida birga to‘p tepgan. Shu bois o‘yindan keyingi ushbu holat futbol jamoatchiligi e’tiborini tortdi.
Portugaliya mazkur g‘alabadan so‘ng K guruhida 4 ochko bilan peshqadamlik qilmoqda. O‘zbekiston esa hozircha ochko jamg‘ara olmagan va guruhda 4-o‘rinda bormoqda.
Endi O‘zbekiston terma jamoasi uchun barcha e’tibor so‘nggi turga qaratiladi. Vakillarimiz 3-turda DR Kongo terma jamoasiga qarshi maydonga tushadi.
