Abduqodir Husanov kechagi uchrashuvda necha bahoga loyiq ko‘rildi?
U tezkorligi bilan maydonda ajralib turdi.
ФОТО: Getty images
Angliya Premer-ligasining 21-turida «Manchester Siti» o‘z maydonida «Brayton»ni qabul qildi va bahs 1:1 hisobi bilan yakunlandi. Gollar 41-daqiqada penaltidan Erling Holand hamda 60-daqiqada Kaoru Mitoma tomonidan kiritildi.
“Shaharliklar” safida to‘p surayotgan legionerimiz Abduqodir Husanov uchrashuvni to‘liq o‘tkazdi. Himoyachi maydondagi har bir epizodda o‘zini ishonchli tutib, raqibning tezkor hujumlariga qarshi kurashda faol harakat qildi.
Nufuzli analitik platformalarning baho berish natijalari quyidagicha:
- Sofascore — 7.1 ball
- Flashscore — 7.3 ball
- Whoscored — 7.1 ball
- FotMob — 7.8 ball
Roziqjon Sultonmurodov
Jurnalist