Abduqodir Husanov Chempionlar Ligasining eng tezkor markaziy himoyachisiga aylandi
«Man Siti» futbolchisi maydonda 35,8 km/soat tezlikka erishgan.
FOTO: Getty Images
CIES xalqaro futbol tadqiqotlari markazi joriy mavsumdagi Chempionlar Ligasi bahslarida beshta asosiy pozitsiya bo‘yicha futbolchilarning maksimal tezlik reytingini e’lon qildi.
Markaziy himoyachilar orasida eng yuqori ko‘rsatkichni «Manchester Siti» va O‘zbekiston milliy terma jamoasi a’zosi Abduqodir Husanov qayd etdi. Yosh himoyachi maydonda 35,80 km/soat tezlikka erishgan va bu o‘z toifasida joriy mavsumdagi mutlaq eng yaxshi natija bo‘lib turibdi.
Barcha pozitsiyadagi futbolchilar orasida umumiy reytingda «Nyukasl» hujumchisi Entoni Gordon peshqadamlik qilmoqda. CIES ma’lumotlariga ko‘ra, u maydonda 37,92 km/soat tezlikka erishishga muvaffaq bo‘lgan.
Nasrullo Karimov
Jurnalist