Abdulaziz Abdurashidov «So‘g‘diyona» futbolchisiga aylandi
Tomonlar o‘rtasidagi kelishuv 2026 yil yakunigacha amal qiladi.
Фото: Сўғдиёна ПФК
Jizzaxning "So‘g‘diyona" futbol klubi yangi mavsum oldidan tarkibni mustahkamlash maqsadida himoyachi Abdulaziz Abdurashidovni o‘z safiga qo‘shdi.
Klub matbuot xizmati xabar berishicha, tomonlar o‘rtasidagi kelishuv 2026 yil yakunigacha amal qiladi.
Abdulaziz Abdurashidov professional faoliyati davomida "Lokomotiv", "Turon" va "Bunyodkor" klublari sharafini himoya qilib, o‘zini mehnatkash va ishonchli himoyachi sifatida namoyon qilgan.
"So‘g‘diyona" futbolchiga jamoa safida barqaror o‘yinlar, yorqin lahzalar va katta g‘alabalar tilaydi", – deyiladi klub xabarida.
Roziqjon Sultonmurodov
Jurnalist