Abbosbek Fayzullayev Turkiyada qancha maosh oladi ma'lum
Photo: Getty Images
“Istanbul Bashakshehir” tez orada Abbosbek Fayzullayevning transferini e'lon qiladi.
Jurnalist Osman Altunterimning xabar berishicha, 21 yoshli vinger yangi jamoasi safida yiliga 1 million yevro maosh oladi. Shuningdek, unga qo'shimcha bonuslar ham berib boriladi.
Turkiya klubi Abbosning transferi uchun CSKAga 7 million yevro o'tkazib berishi aytilmoqda. Hozirda muzokaralar yakuniy bosqichda.
Abbos o'tgan mavsum CSKA safida jami 39 ta o'yinda maydonga tushib, 3 ta gol urdi va 8 ta golli uzatmani amalga oshirdi. Uning Transfermarkt'dagi narxi 8 million yevroga baholanmoqda.
