Abbosbek Fayzullayev: «Keyingi o‘yinda ko‘proq gol urishga harakat qilamiz»
O‘zbekiston milliy jamoasi vingeri Abbosbek Fayzullayev terma jamoa mashg‘ulotlariga qo‘shildi. U bugungi mashg‘ulotlar oldidan jurnalistlar savollariga javob qaytardi.
"Holatim yaxshi. Tiklanib oldim, chunki hali o‘ynaganimizga ham ko‘p bo‘lmagandi. Murabbiylar bilan kelishib tavakkal qilmaslikka qaror qildik. Keyingi o‘yinga tayyorman. Qiyinchilik bo‘lishi tabiiy, chunki oson o‘yinning o‘zi yo‘q. Qizil kartochka ham ta’sir qildi, chunki ungacha ustunlik bizda edi. Muhimi 3 ochko". Xudo xohlasa, g‘alaba uchun maydonga chiqamiz va ko‘proq gol urishga harakat qilamiz. Moslashish qiyin bo‘lmadi. Uning asosiy sababi - oldimda Eldor aka bor. Birga moslashib ketish qiyinchilik tug‘dirmadi. Jamoa ham bizni yaxshi qabul qildi", - deydi Fayzullayev.
