Abbosbek Fayzullayev jahon chempionatlari rekordini o‘rnatdi
Fayzullayev XXI asrda jahon chempionatida bosh bilan gol urgani eng past bo‘yli futbolchiga aylandi.
Фото: ЎФА
O‘zbekiston terma jamoasi yarim himoyachisi Abbosbek Fayzullayev JCh-2026 guruh bosqichining 1-turida Kolumbiya milliy terma jamoasiga qarshi o‘yinda (1:3) gol urib, jahon chempionatlari rekordini o‘rnatdi.
Fayzullayev XXI asrda jahon chempionatida bosh bilan gol urgani eng past bo‘yli futbolchiga aylandi. Abbosbekning bo‘yi — 167 sm. Bu haqda OPta Sports telegram-kanali xabar bermoqda.
Jahon chempionati — 2026 AQSh, Meksika va Kanadada o‘tkazilmoqda.
Turnir 11 iyunda boshlandi va 19 iyulda yakunlanadi. Amaldagi jahon chempioni Argentina terma jamoasi hisoblanadi, ular 2022 yili Qatarda finalda Frantsiya terma jamoasini o‘yindan keyingi penaltilar seriyasida mag‘lub etgan.
