Abbosbek Fayzullaev “Başakşehir”da tez moslashdi
Klub matbuot kotibi: U o‘zini Turkiyada juda yaxshi his qilmoqda
Rasm: Instagram
Istanbulning “Başakşehir” klubi matbuot kotibi G‘okhan Yilmaz o‘zbek legioneri Abbosbek Fayzullaev haqida fikr bildirdi.
“Abbosbekning jamoaga moslashuvi uchun alohida vaqt talab qilinmadi. U turkiy tilda gaplashadigan millat vakili bo‘lgani uchun Turkiyada o‘zini juda yaxshi his qilmoqda. Bu hafta Konferensiyalar ligasidagi ilk rasmiy o‘yinida maydonga tushdi va allaqachon imkoniyatlarini namoyish etmoqda”, – dedi Yilmaz.
Fayzullaev 7 million yevro evaziga “Başakşehir”ga ko‘chib o‘tdi. Uning o‘tgan mavsumda TsSKA safida 72 o‘yinda 8 gol urib, 22 golli uzatma amalga oshirgani qayd etilgan. Transfermarkt ma’lumotlariga ko‘ra, hujumchi hozirda 8 million yevroga baholanmoqda.
Bakradze Iman
Redaktor