Abbos Fayzullayev: «Bu Jahon chempionatida o‘z imkoniyatimizning eng yuqori darajasini ko‘rsata olmadik»
O‘zbekiston milliy terma jamoasi yarim himoyachisi Abbosbek Fayzullayev Jahon chempionati–2026dagi ishtirok va musobaqadan chiqib ketish haqida o‘z fikrlari bilan o‘rtoqlashdi.
— Jahon chempionatida ishtirok etish orzu edi. Natijaga qaramay, orzu ushaldi, deb aytsa bo‘ladimi?
— Ha, Jahon chempionatida o‘ynadik. Lekin buning o‘zi yetarli emas. Men g‘alaba qozonishni xohlayman. Afsuski, bu safar bunga erisha olmadik. Hozir juda charchaganman. Umid qilamanki, keyingi Jahon chempionatiga ham yo‘l olamiz va u yerda g‘alabalarga erishamiz.
— Jamoa bundan yaxshiroq o‘ynay olarmidi yoki bu eng yuqori daraja edi?
— Yo‘q, bu bizning maksimumimiz emas. Biz nimalarga qodir ekanligimizni yaxshi bilaman. Biz yaxshi futbol o‘ynay olamiz. Bu chempionatda esa aynan shu jihat bizga yetishmadi, — dedi Fayzullayev Championat muxbiri Andrey Pankovga bergan intervyusida.
Eslatib o‘tamiz, O‘zbekiston milliy terma jamoasi Jahon chempionati–2026 guruh bosqichidagi uchala uchrashuvda ham mag‘lub bo‘lib, musobaqani 2:11 to‘plar nisbati bilan yakunladi.
