Abbos Ergashev: «Kubokning guruh bosqichida ham munosib o‘ynab jamoa muxlislarini bugungidek xurasand qilmoqchimiz»

«Azur» bilan o‘yindan so‘ng jamoamiz bosh murabbiyi Abbos Ergashev o‘z fikrlarini bildirdi.

«Jamoamiz bugun o‘z o‘yinini nisbatan ko‘rsata oldi. Ammo, vaziyatlarni yakunlashda muammolar bo‘ldi. Lekin o‘yin tomonlama yaxshi o‘ynadik deb o‘ylayman.

Biz raqibni o‘rganib chiqish davomida ular juda zich himoyalanishiga guvoh bo‘lgan edik. Bugun ushbu himoyani uzun va o‘rta paslar bilan yorib o‘tishga harakat qildik. Bu ba’zida o‘xshadi, ba’zida o‘xshamadi.

O‘zbekiston kubogi musobaqasining hal qiluvchi bosqichiga yo‘l oldik. Bu orqali Sirdaryo viloyatiga katta futbolni qaytarmoqdamiz. Bundan juda xursandmiz. Nasib etsa, ushbu musobaqada ham munosib o‘ynab jamoa muxlislarini bugungidek xursand qilmoqchimiz», — dedi Ergashev.

Ibrohim Jalolov

Redaktor