A Seriya. «Napoli» Lukakuning soʻnggi daqiqalarda urgan goli evaziga «Verona»ni magʻlub etdi
Italiya A Seriyasining 27-turidan o‘rin olgan «Verona» hamda «Napoli» jamoalari o‘rtasidagi uchrashuv o‘z nihoyasiga yetdi. «Markantonio Bentegodi» stadionida kechgan bahsda neapolliklar 2:1 hisobida g‘alaba qozondi.
Uchrashuvning 2-daqiqasidayoq Rasmus Hoylund mehmonlarni hisobda oldinga olib chiqdi. Ikkinchi bo‘limning 64-daqiqasida Jan-Daniel Akpa Akpro muvozanatni tiklashga muvaffaq bo‘ldi. Biroq uchrashuvning asosiy vaqtiga qo‘shib berilgan 90+6-daqiqada Romelu Lukaku «Napoli»ga g‘alaba keltiruvchi gol muallifiga aylandi.
Ushbu natijadan so‘ng «Verona» 15 ochko bilan Italiya chempionati turnir jadvalining so‘nggi, ya’ni 20-pog‘onasida qolmoqda. «Napoli» esa o‘z ochkolari sonini 53 taga yetkazib, jadvalning uchinchi pog‘onasini band etib turibdi.
Navbatdagi tur doirasida «Verona» 8 mart kuni safarda «Bolonya» bilan kuch sinashadi. «Napoli» esa 6 mart kuni o‘z maydonida «Torino» jamoasini qabul qiladi.
A Seriya. 27-tur
«Verona» — «Napoli» 1:2
Gollar: Akpro (64) — Hoylund (2), Lukaku (90+6).
