50 million, lekin o‘ynamayapti: O‘zbekistonda Husonovga nisbatan shubhalar paydo bo‘ldi
O‘zbekistonlik futbol sharhlovchisi Otabek Jo‘rayev milliy jamoa va angliyalik "Manchester City" himoyachisi Abduqodir Husonovning jismoniy holati borasida xavotir bildirdi. Bu haqda u JCH-2026 saralash bosqichida BAAga qarshi o‘yin arafasida "Fint Turaeva" YouTube kanalida gapirdi.
Jo‘rayevning ta’kidlashicha, hujum va yarim himoyada barqarorlik ko‘zatilayotgan bo‘lsa-da, himoya chizig‘ida muammolar bor.
— Barcha chiziqlarimizda barqarorlik bor, faqat himoyada emas. Husonov, Ashurmatov, Alikulov — go‘yoki asosiy uchlik, lekin Husonov umuman o‘ynamayapti. U qanday formadа ekanini faqatgina Timur Kapadze biladi, — dedi Jo‘rayev.
Sharhlovchi shuningdek, futbolchining transfer bahosi emas, balki uning amaldagi o‘yin amaliyoti muhim ekanini ta’kidladi:
— Qog‘ozda Husonov 50 million dollar, lekin uning mashg‘ulotlarini faqat Kapadze ko‘ryapti.
Abduqodir Husonov 2025 yil yanvar oyida Fransiyaning "Lens" jamoasidan "Manchester City"ga o‘tgan edi. U "shaharliklar" safida 9 ta o‘yin o‘tkazib, 1 ta gol urdi. Biroq so‘nggi uchrashuvlarda maydonga tushmadi, hatto ba’zan jamoa ro‘yxatiga ham kiritilmadi.
