2-Bundesligada tarixiy rekord: bir kunda 27 ta gol urildi
Germaniya 2-Bundesligasida 29-avgust kungi uchrashuvlar nihoyatda sermahsul o‘tdi. O‘sha kuni o‘tkazilgan to‘rtta bahsda jamoalar jami 27 ta gol urdi — bu har bir o‘yinga o‘rtacha 6,8 tadan gol degani.
Kun doirasida “Haydenhaym” “Dinamo Drezden”ni 5:3, “Energi” “Groyter”ga 3:4 hisobida yutqazdi. “Karlsrue” — “Volfsburg” uchrashuvi 2:5, “Nyurnberg” — “Arminiya” bahsi esa 4:1 hisobida yakunlandi.
Natijada bir o‘yin kunidagi o‘rtacha gollar soni 6,8 taga yetdi. Bu 2-Bundesliga tarixida bir o‘yin kuni uchun qayd etilgan eng yuqori o‘rtacha ko‘rsatkich bo‘ldi.
Ma’lumot uchun, Germaniya 2-Bundesligasi 1974-yilda tashkil etilgan. Dastlab musobaqa Shimol va Janub guruhlariga bo‘lingan holda o‘tkazilgan, keyinchalik esa yagona divizion shakliga o‘tkazilgan.
