WBA reytingi yangilandi: Shahram va Bektemir yetakchilikni saqlab qoldi

Boks 01 iyl 2025 da 07:02

Bakradze Iman

Redaktor

Iyun oyi yakuniga ko'ra Butunjahon boks assotsiatsiyasi (WBA) professional bokschilarning yangilangan reytingini e'lon qildi. Unga ko'ra, O‘zbekiston sportchilari reytingda o‘z o‘rinlarini saqlab qolishdi yoki unga ko‘tarilishdi.

Yarim o‘rta vazn toifasida Shahram G‘iyosov avvalgidek 1-o‘rinda qoldi. Uning qatorida super o‘rta vaznda Bektemir Meliko‘ziev ham yetakchilikni saqlab qoldi.

Qolgan bokschilarimizning reytingdagi holati quyidagicha:
• Hasanboy Do‘smatov (minimal vazn) — 9-o‘rin (bir pog‘ona pasaydi);
• Murodjon Ahmadaliev (birinchi yarim engil vazn) — vaqtinchalik chempion sifatida ro‘yxatda;
• Muhammad Shexov (birinchi yarim engil vazn) — 9-o‘rinda qoldi;
• Otabek Xolmatov (yarim engil vazn) — 3-o‘rinda qoldi;
• Sirojbek Ismoilov (engil vazn) — 12-o‘rin (bir pog‘ona yuqoriladi);
• Isroil Madrimov (super yarim o‘rta vazn) — 5-o‘rinda qoldi.

Bu natijalar o'zbek bokschilari WBA reytinglarida barqaror o‘rin egallab kelayotganidan dalolat beradi.