Vengriyada o'zbekistonlik bokschi Shohjahon Abdullayev ishtirokida boks kechasi bo'lib o'tadi
9 may kuni Budapesht shahrida (Vengriya) professional boks kechasi tashkil etiladi. Tadbirning asosiy jangida mashhur britan bokschisi Tommi Fyuri Bosniya va Gersegovina vakili Kenan Xanyalisga qarshi ringga chiqadi.
Qiziqarli tomoni shundaki, ushbu kechada O'zbekistondan bo'lgan 22 yoshli professional bokschi Shohjahon Abdullayev ham jang o'tkazadi. Uning raqibi Gruziya vakili Irakliy Alanidze (6–5–1) bo'ladi. Shuningdek, Abdullayev 26-aprel kuni ham jang o'tkazishi kutilmoqda — bu safar u Venesuela bokschisi Ivan Matyut (31–20–2)ga qarshi ringga chiqadi. Ushbu jang ham Budapeshtda o'tkaziladi va Shohjahon uchun Vengriyadagi ilk jang bo'ladi.
Ma'lumot uchun: Shohjahon Abdullayev shu vaqtgacha 3 ta professional jang o'tkazib, barchasida g'alaba qozongan. Oldinda uni ikki hafta ichida yana 2 ta jang kutmoqda.
