Tayson Fyuri kelasi yilda Usik bilan uchinchi jangni o'tkazadi
Photo: Getty Images
Super og'ir vazn toifasida sobiq jahon chempioni Tayson Fyuri 2026 yilda Aleksandr Usik bilan uchinchi jangi bo'lib o'tishini ma'lum qildi.
"2026 yil 18 aprel, “Uembli” stadioni. Trilogiya", — deb yozdi Fyuri ijtimoiy tarmoqlarda.
Fyuri va Usik o'zaro ikkita jang o'tkazgan va ularning har ikkalisida ham Usik g'alabaga erishgan.
Avvalroq Turki ash Shayxning ma'lum qilishicha, Tayson Fyuri 2026 yilda boksdagi faoliyatini qayta boshlashi mumkinligini aytib o'tgandi.
"Lo'lilar qiroli qaytmoqda! Men Tayson bilan gaplashdim va u 2026 yilda Ar-Riyodda jang o'tkazishga va'da berdi. Biz intiqlik bilan kutamiz", — deb yozdi Ash Shayx.
Bahrom Bobonov
Redaktor