Shohjahon Ergashov Bachkovga qarshi ringga chiqmaydi

Boks 30 iyn 2025 da 06:30

Bakradze Iman

Redaktor

Professional bokschimiz Shohjahon Ergashov 2 iyul kuni bo'lib o'tadigan navbatdagi jangida Armaniston vakili Ovanes Bachkovga qarshi to'qnashishi kutilayotgandi. Jang Turkiyadagi IBA Pro 7 boks kechasi doirasida o'tkazilishi rejalashtirilgan edi.

Biroq BoxRec platformasida yangilangan ma'lumotlarga ko'ra, Bachkovning shu sanadagi raqibi o'zgargan — u Janubiy Afrika Respublikasi vakili Xolisani Ndongeni bilan ringga chiqadi.

Ergashovning esa ushbu kechada qatnashishi hozircha noaniq. Uning Instagram sahifasidagi postlarga qaraganda, kecha u Samarqandda bo'lgan.

Mavjud ma'lumotlarga ko'ra, Shohjahon Ergashovning keyingi jang sanasi va raqibi haqida rasmiy bayonotlar kutib qolinyapti.