Shahramning g'alabasi uchun 4 raund kifoya qildi

Boks 13 apr 2025 da 01:11

Ibrohim Jalolov

Redaktor

Shahram G‘iyosovdan navbatdagi g‘alaba, endi u ikkita kamar uchun jang qiladi.

Bokschimiz SHahram G‘iyosov AQSHning Nyu-Jersi shtati, Atlantik-Siti shahrida tashkil etilgan boks oqshomida ringga ko‘tarildi.

Ushbu jangda hamyurtimizga argentinalik Franko Maksimiliano Okampo raqiblik qildi.
10 raundga mo‘ljallangan jang 4-raundda o‘z yakuniga etdi. Ushbu raund davomida Shahramning ketma-ket zarbalari ta’sirida referi hisobni ochdi. Bu vaqtda raqib o‘ziga kela olmadi va hakam jangni to‘xtatishga qaror qildi va Shahram prof boksdagi 17-jangida 17-g‘alabasini qo‘lga kiritdi.

Endi G‘iyosov Ennis - Staniosis to‘qnashuvi g‘olibiga qarshi WBA va IBF kamari uchun jang o‘tkazadi.