Shahram G‘iyosov: Krouford pul uchun jang qilmoqchi, finishi yaqin
Yarim o‘rta vazndagi WBA kamariga asosiy da’vogarlaridan biri — Shahram G‘iyosov amerikalik Terens Krouford hamda meksikalik Saul “Canelo” Alvares o‘rtasida bo‘lib o‘tadigan katta jang haqida o‘z munosabatini bildirdi.
— “Krouford bu jang orqali katta pul ishlab olishni maqsad qilgan. Unga natija muhim emas — g‘alabami, mag‘lubiyatmi, farqi yo‘q. Uning faoliyati finishga yaqinlashyapti. Katta pul ishlab, ketishni xohlayapti, xolos. Ikkalasi ham — u ham, Canelo ham — bu jangga asosan moliyaviy jihatdan qiziqish bildirgan. Chunki bu kurash orqali katta mablag‘ ishlab olish mumkin. Ular ikkalasi ham taniqli va dunyo tan olgan jangchilar. Ammo, albatta, vazn toifalari juda katta ahamiyatga ega bo‘ladi,” — dedi G‘iyosov.
Eslatib o‘tamiz, Shahram G‘iyosovning o‘zi ham yaqin vaqtlar ichida yarim o‘rta vaznda chempionlik kamari uchun jang qilishi kutilmoqda.
