Saidjamshid Ja'farovning beshinchi g'alabasi: o'zbekistonlik bokschi IBA Pro 2 musobaqasida tajribali raqibini mag'lub etdi

Rossiyaning Chelyabinsk shahrida professional boks bo'yicha IBA Pro 2 musobaqasi bo'lib o'tdi. Unda o'zbekistonlik bokschilar Saidjamshid Ja'farov va Madiyar Saidrahimov ringga chiqishdi.

Premier Boxing Academy jamoasi a'zosi Saidjamshid Ja'farov tajribali rossiyalik Sergey Lubkovichga qarshi jang qildi. O'rta yaqin vazn toifasida tashkil etilgan jang 6 raund davom etdi va hakamlar yakdil qarori bilan o'zbekistonlik bokschining g'alabasi bilan yakunlandi.

Bu g'alaba Ja'farov uchun professional karerasidagi beshinchisi bo'ldi. Uning natijalari — 5 g'alaba va 1 mag'lubiyat (5–1). Mag'lub bo'lgan 29 yoshli Sergey Lubkovich hisobida hozirda 19 jang mavjud: 18 ta g'alaba va 1 ta mag'lubiyat.

Bakradze Iman

Redaktor