Rayan Garsiya va Konor Benn jangi rasman tasdiqlandi
Mazkur bahsda Garsiya o‘ziga tegishli WBC yarim o‘rta vazn toifasi chempionlik kamarini ilk bor himoya qiladi.
Foto: Getty Images
Professional boksning eng kutilgan qarama-qarshiliklaridan biri rasman tasdiqlandi. 12-sentyabr kuni Las-Vegasdagi T-Mobile Arenada Rayan Garsiya hamda Konor Benn o‘zaro ringga ko‘tariladi. Jang Zuffa Boxing turniri doirasida tashkil etiladi.
Mazkur bahsda Garsiya o‘ziga tegishli WBC yarim o‘rta vazn toifasi chempionlik kamarini ilk bor himoya qiladi. Konor Benn esa faoliyatida ilk marta jahon chempionligi uchun ringga chiqadi.
Jang Meksika Mustaqilligi bayrami haftaligiga bag‘ishlangan yirik boks oqshomining markaziy bahsi bo‘ladi. Ushbu turnir Zuffa Boxing'ning bugungacha e'lon qilingan eng yirik tadbirlaridan biri sifatida baholanmoqda.
Nasrullo Karimov
Jurnalist