Rayan Garsiya Iliya Topuriya qarshi boks qoidalari boʻyicha jangga rozi boʻldi
Yarim oʻrta vazn toifasida WBC chempioni, kelib chiqishi meksikalik boʻlgan amerikalik bokschi Rayan Garsiya yengil vaznda UFC chempioni, 29 yoshli Iliya Topuriya bilan boks qoidalari boʻyicha jang qilishga rozi boʻldi. Bunga ularning ijtimoiy tarmoqlardagi oʻzaro dahanaki jangi sabab boʻlgan.
«MMA jangchilari hammalari steroid qabul qilishlari bilan yomon otliq boʻlishmaganmi? Jagʻingni yop, agar gapirishdan toʻxtay olmasang, sentyabrdagi jangimdan keyin bu masala bilan jiddiy shugʻullanishimiz va seni shunchaki savalashim mumkin», — deya yozib qoldirdi Garsiya oʻzining X (Twitter) sahifasida.
Maʼlumot uchun, Rayan Garsiya hozirda 27 yoshda. Amerikalik sportchi professional boksda 2016 yilda debyut qilgan boʻlib, 2023 yildan buyon yarim oʻrta vazn toifasida jang qilib keladi. Garsiya faoliyati davomida 24 ta gʻalaba (20 tasi nokaut bilan) va 2 ta magʻlubiyat qayd etgan.
