Rasman. Bahodir Jalolovning navbatdagi jang sanasi va raqibi ma’lum bo‘ldi
Jang 6 oktyabr kuniga belgilangan.
Фото: Ring
O‘zbekistonlik super og‘ir vazn toifasida ringga chiqadigan Bahodir Jalolov (15–0, 14 KO) navbatdagi jangini 6 oktyabr kuni Rossiyaning Sankt-Peterburg shahrida bo‘lib o‘tadigan “IBA Pro 10” turnirida o‘tkazadi. Bu haqda tashkilotning Instagram sahifasida xabar qilindi.
Bu safar Jalolovning raqibi rossiyalik bokschi Vitaliy Kuduxov (7–3, 3 KO) bo‘ladi. Kuduxov avgust oyida rossiyalik boshqa bir bokschi Vartan Arutyunyanga qarshi ringga chiqib, imkoniyatni boy bergan edi.
Eslatib o‘tamiz, Bahodir Jalolov so‘nggi jangini 2025 yil aprel oyida Ostona shahrida ukrainalik Igor Shevadzutskiyga qarshi o‘tkazgan va hakamlar yakdil qarori bilan g‘alaba qozongan edi.
Roziqjon Sultonmurodov
Jurnalist