O‘zbekistonlik bokschilar yarim finalda!
Xalqaro boks musobaqasi doirasida o‘zbekistonlik bokschilar yana bir bor o‘z mahoratlarini namoyon etishdi. Bir nechta vazn toifasidagi chorak final janglari yurtdoshlarimiz uchun muvaffaqiyatli yakunlandi.
-60 kg vazn toifasida jang qilgan Abdurahmon Mahmudjonov xitoylik Kun Vang ustidan 4:0 hisobida g‘alaba qozondi va yarim finalga yo‘l oldi.
Shuningdek, -65 kg vaznda ringga ko‘tarilgan Jahongir Zayniddinov Janubiy Koreya vakili Seyoung Songni mutlaq ustunlik bilan mag‘lub etdi — 5:0.
Abdulaziz Jo‘raqulov esa -70 kg vazndagi bahsda xitoylik Haosheng Zhang ustidan ishonchli g‘alaba qozondi — 5:0. U ham yarim finalga yo‘llanma oldi.
O‘zbekiston bokschilari musobaqaning hal qiluvchi bosqichlari oldidan juda yaxshi sport formadalarini yana bir bor namoyon qilishmoqda.
