O‘zbekistonlik bokschilar Jahon Kubogida ishonchli tarzda debyut qildilar
30-martdan 7-aprelgacha Braziliyaning Fos-du-Iguasu shahrida boks bo‘yicha Jahon kubogining birinchi bosqichi o‘tkazilmoqda. Musobaqaning birinchi kunida O‘zbekistonning uch nafar vakili ringga chiqdi. Ishonchli janglarda uchala bokschilarimiz ham raqiblarini mag‘lub etishdi. Jahon kubogining keyingi bosqichiga Mirazizbek Mirzaxalilov (55 kg gacha), Iqboljon Xoldorov (70 kg gacha) va Javohir Ummataliyev (80 kg gacha) yo‘l oldi.
Jang natijalari:
-55 kg: Mirazizbek Mirzaxalilov — Nebil Ibrahim (Shvetsiya) 5:0
-70 kg: Iqboljon Xoldorov — Damyan Durkach (Polsha) 5:0
-80 kg: Javohir Ummataliyev — Alfred Kommi (Italiya) 4:1
Braziliyada o‘tayotgan Jahon kubogining birinchi bosqichida 18 mamlakatdan 130 nafar bokschi ishtirok etmoqda. Turnirning keyingi bosqichi 30-iyundan 7-iyulgacha Qozog‘istonda bo‘lib o‘tadi.
