Oʻzbekiston boks terma jamoasi “Eindhoven kubogi”da ishtirok etadi
Rasm: Gazeta.uz
6–9 iyun kunlari Niderlandiyaning Eindhoven shahrida joylashgan Van der Valk Hotel majmuasida boks boʻyicha nufuzli “Eindhoven boks kubogi” xalqaro turniri boʻlib oʻtadi.
Turnirning rasmiy Instagram sahifasida berilgan maʼlumotga koʻra, musobaqada Oʻzbekiston milliy terma jamoasi ham ishtirok etadi. Jumladan, ringga Olimpiya oʻyinlari gʻoliblari — Asadxuja Moʻydinxujayev va Abdumalik Xalokov chiqishi kutilmoqda.
Toʻrt kunlik bellashuvlarda Qozogʻiston terma jamoasi ham qatnashishi tasdiqlangan. Ayni paytda Oʻzbekiston boks federatsiyasi rasmiy ravishda oʻz ishtiroki boʻyicha maʼlumot bermagan boʻlsa-da, turnir tashkilotchilari jamoamizning qatnashishi haqida xabar bergan.
Bakradze Iman
Redaktor