Osiyo chempionati: o'zbek bokschilarining chorak final natijalari

Boks 23 apr 2025 da 01:44

Bakradze Iman

Redaktor

22 aprel kuni, Iordaniyadagi musobaqaning to'rtinchi kunida, chorak final janglarida O'zbekistonning olti nafar vakili ishtirok etdi. Kunning ilk jangida Sarmat Shokarimov Qozog'istonlik Daulet Tenelbayni 5:0 hisobida ishonchli tarzda mag'lub etib, 35 kg vazn toifasida yarim finalga yo'l oldi. Muxriddin Hamidjonov ham navbatdagi bosqichga chiqdi: u 37 kg vazn toifasida filippinlik Richard Payluni ikkinchi raundda nokautga uchratdi.

40 kg vazn toifasida Kamronbek Kamilov turkmanistonlik Attabek Xo'jiyevga 0:5 hisobida mag'lub bo'lib, musobaqani tark etdi. Oybek Alimjonov 46 kg vazn toifasida turnir mezboni Sulton Shannakni 5:0 hisobida mag'lub etib, yarim finalga yo'l oldi.

43 kg vazn toifasida ishtirok etgan Rayhona Alimxonova Xitoy Taybeylik raqibasi Syao-Tin Shaoni 3:2 hisobida yutib, yarim finalga chiqdi. 37 kg vazn toifasida Sabinahxon Kamiljonova g'alaba qozondi - uning raqibasi, Xitoy Taybeylik Pey-Yun Chiang, belgilangan vazn me'yoriga sig'madi.