Olimjon Nazarov va Nodirjon Mirzaxmedov Toshkentda muxlislarni xursand qildilar
Poytaxtimizdagi janglarda ikki hamyurtimiz g‘alaba qozondi
Rasm: Olamsport.uz
Toshkentdagi “Jar” sport majmuasida professional boksning navbatdagi kechasi bo‘lib o‘tdi. Unda o‘zbekistonlik sportchilar muxlislar oldida munosib ishtirok etdi.
Kechaning markaziy jangida WBO Oriental va WBO International chempionlik kamarlari sohibi Olimjon Nazarov qirg‘izistonlik Mirlan Turkibay Uulu bilan to‘qnashdi. 10 raund davom etgan bellashuvda hakamlar qaroriga ko‘ra Nazarov g‘alaba qozondi.
Shuningdek, havaskor boksda muvaffaqiyatga erishgan Nodirjon Mirzaxmedov professional ringdagi debyutini nishonladi. U qozoqistonlik Assan Kalmaxanov ustidan ochkolar hisobida zafar quchib, prof boksdagi ilk g‘alabasini qo‘lga kiritdi.
Bakradze Iman
Redaktor