Odilxon Kamolovning boksdagi debyutida raqib o'zgardi
Bugun, 24-may kuni Qirg‘izistonning Osh shahrida Alatoo Boxing League 4 musobaqasi bo‘lib o‘tadi. Mazkur turnirda o‘zbekistonlik aralash jang san’ati ustasi Odilxon Kamolov o‘zining boksdagi ilk jangida ishtirok etadi.
Avvalroq, u mezbon sportchi Marsel Nurlanbek Uulu bilan jang qilishi kerak edi. Ammo Liga matbuot xizmatining so‘nggi ma’lumotiga ko‘ra, bu jang ABL 4 doirasida bo‘lib o‘tmaydi. Shunga qaramasdan, har ikki sportchi ham musobaqada ishtirokini saqlab qolgan.
Yangi jadvalga ko‘ra, Kamolovning raqibi qirg‘izistonlik bokschi Manas Orozov bo‘ladi.
Janglar oqshomi Toshkent vaqti bilan soat 18:00 da start oladi.
Eslatib o‘tamiz, Odilxon Kamolov avvalroq Octagon League tomonidan diskvalifikatsiya qilinganidan so‘ng, Alash Pride hamda Open FC MMA ligalari bilan shartnoma imzolagandi. ABL 4 turnirining to‘liq kardi:
