Nega yigitlarimiz Jahon kubogiga bormadi?

Boks 05 iyl 2025 da 01:56

Bakradze Iman

Redaktor

Ayni kunlarda Qozog‘istonning Ostona shahrida World Boxing tashkiloti tomonidan o‘tkazilayotgan Jahon kubogi qizg‘in pallaga kirdi. Lekin musobaqada faqat O‘zbekiston ayollar terma jamoasi ishtirok etmoqda. Erkaklar terma jamoasi esa bahslarda ko‘rinmadi.

Bu borada O‘zbekiston boks federatsiyasi bosh kotibi Shohid Tillaboyev quyidagicha izoh berdi:
— Yigitlarimiz yaqinda juda ko‘p jang o‘tkazishdi. Ular uchun tiklanish va jarohatlardan saqlanish uchun vaqt kerak. Musobaqada munosib ishtirok etish uchun sportchilarni yaxshi formaga keltirish talab etiladi. Lekin oldimizdagi eng muhim start — Liverpulda bo‘ladigan Jahon chempionati. Agar hozir formaga kirsalar, keyin yana tiklanish muammoli bo‘ladi. Shu sababli murabbiylar shtabi bilan kelishilgan holda asosiy e’tiborni Liverpuldagi chempionatga qaratdik, — dedi Tillaboyev.

Ma’lumot uchun, World Boxing Jahon chempionati 4–14 sentabr kunlari Liverpulda bo‘lib o‘tadi.