Murodjon Ahmadaliyev jangdan 10 kun oldingi tayyorgarligidan lavhalar bilan bo‘lishdi
Rasm: Olamsport.uz
Ikkinchi yengil vazn toifasida WBA Interim kamar sohibi, o‘zbekistondik professional bokschi Murodjon Ahmadaliyev navbatdagi jang oldidan so‘nggi mashg‘ulotlarini olib bormoqda. U ayni paytda AQShning Kaliforniya shtatidagi Indio shahrida, mashhur aka-uka Diaslar qo‘l ostida intensiv tayyorgarlikni davom ettirmoqda.
Ahmadaliyevning navbatdagi jangi 31-may kuni, Toshkent vaqti bilan tongda, Meksikaning Gvadalaxara shahrida tashkil etiladigan Matchroom promousheni boks kechasida bo‘lib o‘tadi. U ringda mezbon bokschi — Luis Castillo ga qarshi to‘qnash keladi.
Murodjon o‘zining so‘nggi mashg‘ulotlaridan fotosuratlar bilan ijtimoiy tarmoqlarda bo‘lishib, jangga to‘liq tayyorgarlik ko‘rayotganini namoyon etdi.
Bakradze Iman
Redaktor