Muhammadjon Yoqubboev Bangkokdagi turnirda chorak finalga yo‘l oldi
O‘zbekistonlik bokschi eronlik raqibini 5:0 hisobida mag‘lub etdi
Rasm: Telegram
Kecha, 1 avgust kuni Bangkok shahrida boks bo‘yicha xalqaro turnir doirasida o‘tkazilgan bahsda o‘zbekistonlik Muhammadjon Yoqubboev (-75 kg) chorak finalga yo‘llanma qo‘lga kiritdi.
Yurtoshimiz Eron vakili Amirmahdi Sabzini mutlaq ustunlik bilan — 5:0 hisobida mag‘lub etdi. Jangda Yoqubboev raqibiga hech qanday imkoniyat qoldirmadi.
G‘alabadan so‘ng, bokschimizni O‘zbekiston boks federatsiyasi raisining birinchi o‘rinbosari Saken Polatov, Bosh kotib Shohid Tillaboev va milliy terma jamoa bosh murabbiyi To‘lqin Qilichev tabriklashdi.
Bakradze Iman
Redaktor