Koreyadagi boks kechasida uch nafar Oʻzbekistonlik bokschi jang qildi
Namyangju shahrida (Koreya Respublikasi) professional boks kechasi bo'lib o'tdi.
Turnir doirasida uch nafar hamyurtimiz ringga ko'tarildi. Markaziy jangda andijonlik 24 yoshli o'zbek bokschisi, WBA Asia kamar sohibi Sirojbek Ismoilov tajribali yaponiyalik Shuitiro Yoshino bilan to'qnash keldi. 12 raundga mo'ljallangan engil vazn toifasidagi jang 11-raundda yakunlandi. Ismoilov 33 yoshli raqibini texnik nokaut bilan yengdi. Bu Sirojbekning ketma-ket o'ninchi g'alabasi bo'ldi. U shundan yetti g'alabani dosrochnyy yo'sinda qayd etgan (rekordi: 17–2, 13 KO).
Turnir doirasidagi yana bir jangda andijonlik bokchi Egamberdi Nuriddinov o'zbekistonlik boshqa bokschi Jamshid Rihsiev bilan ringda to'qnash keldi. O'rta vazn toifasidagi jang to'liq 10 raund davom etdi va hakamlar qaroriga ko'ra g'alaba Nuriddinovga nasib etdi. Ayni paytda Egamberdi Nuriddinovning hisobida sakkizta g'alaba va bir durang mavjud. Rihsievning natijasi esa — 14 g'alaba, 7 mag'lubiyat va 1 durang.
