Iman Xelif nega Eindhoven turnirida qatnashmaydi?

Boks 07 iyn 2025 da 03:21

Bakradze Iman

Redaktor

Parij-2024 Olimpiadasi chempioni Iman Xelif kecha Niderlandiyaning Eindhoven shahrida start olgan "Eindhoven Box Cup" turnirida ishtirok etishi kutilgan edi. Biroq musobaqa tashkilotchilari uning ringga chiqmasligini rasmiy tarzda e'lon qilishdi.

Turnirning rasmiy vakili Dirk Render AFP agentligiga bergan ma'lumotida Xelifning ishtirokidan voz kechish sababini tushuntirdi. Uning so‘zlariga ko‘ra, jazoirlik bokschi gender testidan o‘ta olmagani uchun musobaqaga qo‘yilmagan.

Ma’lumki, bir necha vaqt avval World Boxing tashkiloti xalqaro musobaqalarda ishtirok etadigan sportchilar uchun gender testini majburiy etib belgilagan edi.

26 yoshli Iman Xelif uchun bu turnirda qatnashish muhim ahamiyatga ega edi, ammo qo‘yilgan talablar sababli u ringdan tashqarida qoldi.