Hasanboy Do‘smatov prof boksdagi 7-g‘alabasiga erishdi
Photo: Boxing Uzbekistan
Olimpiadaning ikki karra sohibi Hasanboy Do‘smatov prof boksdagi navbatdagi jangda ishtirok etdi. Andijonlik 32 yoshli bokschi bu safargi raqibini ochkolar hisobida mag‘lubiyatga uchratdi.
O‘zbek charm qo‘lqop ustasi prof boksdagi yettinchi jangda yettinchi g‘alabasiga erishdi. Bishkek shahrida o‘tkazilgan boks oqshomida Do‘smatov Filippin vakili Mark Antonioni 8 raundlik jangda ochkolar evaziga mag‘lubiyatga uchratdi.
Do‘smatov bunga qadar so‘nggi jangini 2023 yil noyabr oyida Rossiya Federatsiyasida JAR vakili Siphamandla Baleninga qarshi o‘tkazib, ochkolar hisobiga ko‘ra zafar quchgandi.
Roziqjon Sultonmurodov
Jurnalist