Hasanboy Do‘smatov AQShga yo‘l oldi
Ikki karra Olimpiada chempioni, taniqli bokschimiz Hasanboy Do‘smatov bugun Amerika Qo‘shma Shtatlariga jo‘nab ketdi. U okean ortida navbatdagi jangga tayyorgarlik ko‘rishi kutilmoqda.
Avvalroq Hasanboy 2025 yilda professional ringda faoliyatini davom ettirishini va bir necha jang o‘tkazishini ma’lum qilgandi. Shuningdek, u havaskorlar o‘rtasidagi jahon chempionatida ham ishtirok etish istagini bildirgan.
Do‘smatov bu yil havaskor boksdagi so‘nggi jangida Rossiyaning Xabarovsk shahrida o‘tkazilgan “Konstantin Korotkov” xalqaro xotira turnirida qatnashdi. U 1/4 finalda o‘ziga yaqin bo‘lgan Faryozbek Do‘smatovga qarshi to‘qnash kelib, unga yo‘l bergandi.
Ma’lumot o‘rnida: Hasanboy Do‘smatov professional ringda 6 ta jang o‘tkazgan va barchasida g‘alaba qozongan. Ulardan 5 tasini nokaut bilan yakunlagan. Oxirgi jangini 2023 yil 6 noyabr kuni Moskvada Sifamandla Balega qarshi o‘tkazib, 10 raundlik duelda ochkolar hisobiga ko‘ra g‘alaba qozongan.
