Farg‘ona tumanida Olimpiada chempioni nomidagi zamonaviy boks majmuasi foydalanishga topshirildi
Farg‘ona viloyati, Farg‘ona tumani Log‘on qishlog‘idagi 49-son umumta’lim maktabida “Parij-2024” Olimpiya oʻyinlari va jahon chempioni Lazizbek Mullajonov nomidagi zamonaviy boks majmuasi hamda yoshlar uchun boks to‘garagi faoliyati yo‘lga qo‘yildi.
Ochilish marosimida Farg‘ona viloyati hokimining o‘rinbosari Sherzod Polvonov, Farg‘ona viloyati sport boshqarmasi boshlig‘i Nodirbek Hakimov, Farg‘ona tumani hokimi Nodir Mashrapov, sektor rahbarlari, sport faxriylari, nuroniylar hamda keng jamoatchilik vakillari ishtirok etdi.
Mazkur majmuada yosh bokschilar uchun zamonaviy talablarga javob beradigan barcha zarur sharoitlar yaratilgan bo‘lib, ularning sport mahoratini oshirish, iqtidorini namoyon etish va professional sport sari dadil qadam tashlashi uchun keng imkoniyatlar yaratildi.